Almatyda koronavırýsqa qarsy vaktsına jetkilikti me
ALMATY. QazAqparat - Almatyda koronavırýsqa qarsy vaktsına jetkilikti me? Bul saýalǵa onlaın brıfıng barysynda Jandarbek Bekshın jaýap berdi, dep habarlaıdy QazAqparat tilshisi.
Onlaın brıfıngide tilshiler Jandarbek Bekshınge emhanalarda nege «Spýtnık V»-dan basqa vaktsına joq? degen saýal joldady.
«Biz egý pýnktterin dúkenge aınaldyrý mindetin qoımaımyz.Úkimet vaktsınany tegin berip otyr jáne munda negizgi vaktsına «Spýtnık V». Tańerteń bizde 44 myńnan asa vaktsına qaldy. Keste boıynsha vaktsına únemi kelip turady, qorlar tolyqtyrylady. Sondaı-aq, QazVac vaktsınasynyń 2600-den asa dozasy bar. Al Hayat-Vax vaktsınasy bir ret ákelindi. Sonymen qatar, bizde CoronaVac vaktsınasy bar. Kóptegen el halqyna vaktsına bere almaı otyr, al bizde bar. Almatyda vaktsına jetkilikti», - dep jaýap berdi ol.
Buǵan deıin, Almatyda epıdemıologııalyq jaǵdaıdyń kúrdelene túskenin jáne aýrý eki esege óskeni aıtylǵan bolatyn.
