Almatyda koronavırýsqa qarsy vaktsına egetin 40 kabınet ashyldy
ALMATY. QazAqparat – Almatyda koronavırýsqa qarsy vaktsına egetin 40 kabınet ashyldy, dep habarlaıdy QazAqparat tilshisi.
Densaýlyq saqtaý basqarmasynyń málimetinshe, memlekettik emhanalarda 40 egý kabıneti daıyndaldy. Jekemenshik klınıkalar vaktsınany Mindetti áleýmettik medıtsınalyq saqtandyrý sheńberinde salady.
«Koronavırýsqa qarsy vaktsınany egý kabınetteri Mindetti áleýmettik medıtsınalyq saqtandyrý sheńberinde jumys jasaıtyn jeke klınıkalarda da daıyndalady. Almatyǵa jetkizilgen vaktsınalar sany - 2050 doza, onyń 100 dozasy «Ortalyq klınıkalyq aýrýhanasy» AQ-na berilgendikten, ımmýndaýdyń birinshi kezeńinde memlekettik emhanalar vaktsıatsııay ózderi júrgizedi. Qazir 20-ǵa jýyq emhana qatysýda», - dep atap ótti basqarmadaǵylar.
Eske salaıyq, birinshi kezeńinde vaktsına ınfektsııalyq aýrýlardyń jedel medıtsınalyq kómek, jansaqtaý, qabyldaý bólimshesiniń qyzmetkerleri men sanıtarlyq epıdemıologııa qyzmetkerlerine salynady.
Ekinshi kezeńde jalpy bilim beretin mektep, joǵary jáne arnaýly orta bilim beretin oqý oryndarynyń muǵalimderi, medıtsınalyq qyzmetkerlerge egiledi.
Úshinshi kezeń 1 sáýirden bastalady. Ol kezde mektep, ınternat muǵalimderi, mektepke deıingi mekeme qyzmetkerleri, stýdentter men sozylmaly aýrýy bar naýqastar qamtylady.
Aıta keteıik, Almatyǵa Reseıde daıyndalǵan «Spýtnık V» vaktsınasynyń 2050 dozasy jetkizilgen bolatyn.
