Almatyda koronavırýsqa qarsy ujymdyq ımmýnıtet 58,4% jetti – Bekshın

ALMATY. QazAqparat- Almatyda koronavırýsqa qarsy ujymdyq ımmýnıtet 58,4%-ǵa jetti. Bul týraly brıfıng barysynda Jandarbek Bekshın aıtty, dep habarlaıdy QazAqparat tilshisi.

«Búgingi kúni qalada koronavırýsqa qarsy ujymdyq ımmýnıtet 58,4%-ǵa jetti. Áli de vaktsına men revaktsınatsııany jalǵastyrý kerek. Adamdar vaktsınalanbaǵan kezde, megapolıste mýtatsııalanǵan shtamdardyń paıda bolý qaýpi artady»,- deıdi ol.

Aıta keteıik, Almatyda Pfizer ekpesin 26 164 adam, onyń ishinde 1 458 júkti áıel, 5 231 bala emizetin ana jáne 19 475 bala men jasóspirim aldy. 45 503 qala turǵyny revaktsınatsııadan ótti.

Buǵan deıin Almatynyń bas sanıtarlyq dárigeri Jandarbek Bekshın megapolıste epıdemıologııalyq ahýal turaqty ekenin aıtqan bolatyn.