Almatyda koronavırýsqa qarsy revaktsınalaý bastaldy

ALMATY. QazAqparat - Megapolıste COVID-19 vırýsyna qarsy revaktsınatsııa naýqany bastaldy. Búgin alǵashqylardyń biri bolyp №4 qalalyq emhanada Almaty qalalyq qoǵamdyq densaýlyq basqarmasynyń basshysy Narıman Tabynbaev ekpe aldy, dep habarlaıdy QazAqparat tilshisi.

Vedomstva málimetinshe, qazirgi kezde revaktsınatsııa jasaý úshin ınaktıvtendirilgen QazVac jáne Sinopharm (Vero Cell) vaktsınalary qoljetimdi.

Birinshi kezekte revaktsınatsııaǵa turǵyndardyń osal toptary jatady, olar - medıtsına qyzmetkerleri, pedagogtar, medıtsınalyq-áleýmettik, jabyq balalar mekemesi, 60 jastan asqan adamdar, KVI qarsy tolyq vaktsınatsııa kýrsynan keıin antıtela anyqtalmaǵan ımmýnıteti tómen adamdar, óz betinshe tekserilgen jáne KVI-ǵa qarsy antıdenelerge zertteýdiń teris nátıjesi bar adamdar jatady.

Koronavırýsqa qarsy revaktsınatsııa vektorlyq vaktsınadan soń 9 aıdan keıin jasalady. Inaktıvtendirilgen jáne m-RNK-vaktsınadan soń 6 aıdan keıin jasalady.

Sondaı-aq, qalalyq emhanalarda júkti áıelderge, 12 jastan 18 jasqa deıingi balalarǵa jáne bala emizýli analarǵa COVID-19 vrýsyna qarsy Pfizer kompanııasynyń «Komırnatı» ekpesin salý da júrgizilip jatyr.