Almatyda koronavırýsqa qarsy is-qımyldyń tıimdi modeli quryldy - ákimdik

ALMATY. QazAqparat- Almatyda koronavırýs ınfektsııa boıynsha qolaısyz epıdemıologııalyq jaǵdaıǵa baılanysty densaýlyq saqtaý salasyndaǵy tásilder tolyǵymen qaıta qaraldy. Bul týraly QR Prezıdenti janyndaǵy Ortalyq kommýnıkatsııalar qyzmetiniń baspasóz máslıhatynda megapolıs ákiminiń orynbasary Erjan Babaqumarov aıtty, dep habarlaıdy QazAqparat tilshisi.

Almaty ákimi orynbasarynyń aıtýynsha, qalada jedel járdemniń aýrýhanaǵa jatqyzýdaǵy jalǵyz «kómekshisi» retindegi rólin ózgertýge; qalada dert juqtyrǵandardyń aýyrlyǵy men epıdemııa qarqynyna qaraı tósek-oryndardy basqarý úshin ınfektsııalyq statsıonarlardyń jumysy úsh eshelonǵa bólindi.

«Almatyda MSAK jumysy qaıta jasaqtaldy, onda 364 mobıldi brıgada quryldy jáne ýchaskelik dárigerlerdiń áleýeti kúsheıtildi, emhanalarǵa qosymsha 70 mashına berildi. Ótken jyly qurylǵan Telemedıtsına ortalyǵy arqyly patsıentterdi úıde emdeýge baqylaý jasaldy», - dedi Erjan Babaqumarov.

Ákim orynbasary, Almatyda ólim-jitimmen kúresý úshin qalanyń shtattan tys bas reanımatology bastaǵan biryńǵaı reanımatsııalyq top jumys istep jatqanyn tilge tıek etti.

Budan ózge, qalada táýliktik qýaty 16 000 zertteýge deıingi 28 PTR-zerthananyń ortalyqtandyrylǵan jelisi (jáne 27 myńǵa deıin ulǵaıtý múmkindigi bar), 14 IFT-zerthana jumys isteıdi. Sondaı-aq Almatyda 28 KT-ortalyqtan turatyn jalpyqalalyq jelisi quryldy.

Sonymen qatar qarjy dárilik zattar men JQQ rezervin qurýǵa, jappaı vaktsınalaýdy uıymdastyrý úshin tartylatyn mamandardyń eńbegine aqy tóleýge, medıtsına qyzmetkerlerine COVID-19 epıdemııaǵa qarsy is-sharalarǵa qatysqany úshin ústemeaqy tóleýge, Anestezıologııa jáne reanımatologııa ortalyǵynyń jumys isteýine baǵyttalǵan.