Almatyda koronavırýsqa baılanysty 600-den astam is-shara toqtatyldy
ALMATY. QazAqparat– Almatyda koronavırýsqa baılanysty 600-den astam is-shara toqtatyldy, dep habarlaıdy QazAqparat tilshisi.
«QR koronavırýstyq ınfektsııanyń taralýynyń aldyn alý sharalaryn kúsheıtý týraly» Qazaqstan Respýblıkasy Úkimetiniń sheshimine sáıkes el aýmaǵynda, onyń ishinde Almaty qalasynda buryn josparlanǵan is-sharalardy aýystyrý nemese toqtatý týraly sheshim qabyldandy.
Almaty qalasynyń mádenıet basqarmasy kelesi shekteýlerdi engizýde: 2020 jyldyń 13 naýryzynan bastap Almaty qalasynyń aýmaǵynda barlyq buqaralyq mádenı is-sharalardy, konferentsııa, semınarlar, kórmelerdi ótkizýge ýaqytsha tyıym salý engizilsin; halyqaralyq mádenı is-sharalarǵa barý maqsatynda 1 A, 1 B, 2 jáne 3 sanattaǵy elderge shyǵýǵa shekteý qoıylsyn.
Sonymen qatar, Almaty qalasynyń mádenıet basqarmasy shahardyń barlyq tıisti uıymdary men mádenıet mekemelerine qajetti quraldarmen: sanıtaızerler, antıseptıkter jáne koronavırýstyq ınfektsııanyń aldyn alý jónindegi jadynamalarmen qamtamasyz etý boıynsha sanıtarlyq-profılaktıkalyq is-sharalardy kúsheıtý jóninde usynystar berildi.
Mádenıet basqarmasy 2020 jyldyń birinshi jartyjyldyǵyna 40-tan astam is-sharalar josparlaǵan. Onyń ishinde, búgingi tańda 14-i toqtatylsa, qalǵan 26 shara aǵymdaǵy jyldyń ekinshi jartyjyldyǵyna aýystyryldy.
Almaty qalasy boıynsha mádenı-buqaralyq is-sharalardyń kúntizbelik josparyna sáıkes monıtorıng júrgizildi. Onyń qorytyndysy boıynsha naýryz-sáýir aılarynda mádenı-oıyn-saýyq uıymdary boıynsha 211, al teatrlarda 383 is-sharaǵa shekteý qoıyldy. Qala boıynsha barlyǵy 608 is-shara toqtatyldy.
Sondaı-aq, búginde qalada barlyq kınoteatrlar, haıýanattar baǵy, murajaılar, kitaphanalar jumysyn toqtatty.
