Almatyda koronavırýs juqtyrý kórsetkishi tómendedi
ALMATY. QazAqparat - Almatyda koronavırýs juqtyrý tómendedi. Bul týraly Almaty qalasy qoǵamdyq densaýlyq basqarmasynyń basshysy Narıman Tabynbaev onlaın brıfıng barysynda aıtty, dep habarlaıdy QazAqparat tilshisi.
Onyń aıtýynsha, sońǵy kúnderi qalada koronavırýs juqtyrǵandar sany azaıǵan. Buǵan deıin kúnine 715-ke jýyq naýqastan ınfektsııa anyqtalsa, qazir ol 290-ǵa deıin tómendegen.
«Qazir jaǵdaı turaqtalyp kele jatyr. Sáýir aıynda úıde em qabyldaǵan naýqastardyń sany 7 myńnan asqan edi, qazir dárigerdiń baqylaýynda 1 700 naýqas bar. Onyń ishinde jaǵdaıy ortasha naýqastyń sany 74. Bul jerde naýqastardyń sany 5,5 ese azaıǵanyn kórip otyrmyz»,-deıdi ol.
Sonymen qatar, ol naýryz-sáýir aıynda aýrýhanaǵa túsken naýqastar sanyna qaraǵanda qazir jaǵdaı birshama jaqsarǵanyn jetkizdi.
«Úshinshi tolqyn kelgende aýrýhanaǵa táýligine 450-470 naýqas jatqyzyldy. Al, keshe aýrýhanaǵa 97 naýqas tústi. ıAǵnı naýqastar sany 4,5 esege azaıǵan. Sáýir aıynda bir táýlikte 450 adam aýrýhanaǵa jatqyzylǵan kezde bir aptada 3,5 myń naýqasqa jetip otyrdy. Qalada ınfektsııalyq oryndardy daıyndaýdyń arqasynda bul kúrdeli jaǵdaı biline qoıǵan joq. 450 degen bizdiń ortalyq aýrýhananyń barlyq tósek-ornynyń kólemi, ıaǵnı ol bir kúnde tolyp otyrǵan»,- dedi Narıman Tabynbaev.
