Almatyda koronavırýs juqtyrý qaýpi joǵary
ALMATY. QazAqprat – Almaty qalasy 1 maýsymda «sary» aımaqqa kóshkenimen, epıdemıologııalyq jaǵdaı kúrdeli. Bul týraly onlaın brıfıng barysynda qalanyń bas memlekettik sanıtar dárigeri Jandarbek Bekshın málim etti, dep habarlaıdy QazAqparat tilshisi.
Almatynyń bas memlekettik sanıtarlyq dárigeri «qyzyl» aımaqtan «sary» aımaqqa ótý kezindegi qoldanystaǵy shekteý sharalary 7 kún ótkennen keıin kúshine enetin belgili bir jeńildiktermen saqtalatynyn atap ótti.
Onyń aıtýynsha, «sary» aımaqtyń ólshemderi 1 (birlikten) kem nemese oǵan teń R sany (juqtyrý kórsetkishi) men júzden kem nemese oǵan teń 100 myń turǵynǵa shaqqandaǵy syrqattaný kórsetkishi bolatynyn túsindirdi.
«Qazirgi ýaqytta Almatyda 7 maýsymdaǵy jaǵdaı boıynsha 100 myń turǵynǵa shaqqanda KVI-men syrqattanýshylyq kórsetkishi 64,7, ıaǵnı 100-den tómen, onyń ishinde R=0,7. Almaty qalasy 1 maýsymda «sary» aımaqqa kóshkenimen, epıdemıologııalyq jaǵdaı kúrdeli. COVID-19 juqtyrý qaýpi joǵary»,- dedi ol.
Jandarbek Bekshın atap ótkendeı, júrgizilgen shekteý sharalarynyń nátıjesinde KVI-men aýyrý azaıdy. Atap aıtqanda, buqaralyq is-sharalarǵa tyıym salý, bazarlardyń, SOSO-nyń, jazǵy alańdardy qospaǵanda, qoǵamdyq tamaqtaný oryndarynyń jumysyna tyıym salý, demalys kúnderi áleýmettik baılanystardy azaıtý maqsatynda, sondaı-aq halyqqa vaktsına salý.
