Almatyda koronavırýs juqtyrý qarqyny tómendeıtin túri joq – epıdemıolog
«Bizdiń baqylaýymyzǵa sáıkes, aýrý juqtyrý kórsetkishi báseńdeıtin túri joq. 2 kúnge engizilgen shekteý sharalary azdyq etedi. Sondyqtan, ákimdik pen komıssııa qosymsha shekteý sharalaryn engizý týraly sheshim qabyldady. Biz birneshe aıdan beri osy rejımmen ómir súrip kelemiz. Sońǵy ýaqytta aýrý kórsetkishi 2 ese ósken. Apta saıynǵy ósim kórsetkishi 1,1% bolyp tur. Aýrýdyń ósýi bizdiń karantın sharalaryn saqtaýymyzǵa tikeleı baılanysty bolyp tur», - deıdi taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Ásel Halyqova.
Onyń aıtýynsha, qalada 3,5 myńnan asa adam COVID-19 juqtyrǵan.
Eske sala keteıik, buǵan deıin qala ákiminiń orynbasary demalys kúnderi avtojýý, TQKS, úı janyndaǵy dúkender, parkter men skverler, jazǵy dámhana alańdary ashyq bolatynyn aıtty.
Aıta ketý kerek, ákimdik búgin vırýs taralý qaýpi joǵary sanalatyn nysandardy demalys kúnderi jabý týraly sheshim qabyldady.
Oǵan deıin Nur-Sultan qalasynyń ákimdigi osyndaı qaýly qabyldaǵan bolatyn.