Almatyda koronavırýs juqtyrý deńgeıi tómendemeı tur

ALMATY. QazAqparat – Almatyda koronavırýs juqtyrý 10,5 myńnan 10,9 myń jaǵdaıǵa deıin ósti. Bul týraly KVI taralýynyń aldyn alý jónindegi jedel shtab otyrysynda aıtyldy, dep habarlaıdy QazAqparat tilshisi.

Megapolıste sımptomdy aýrýlardyń úlesiniń artýy baıqaldy, ol sońǵy aptada 94,2%-dy qurady.

Búginde kovıdtik statsıonarlarda 6 602 adam jatyr, onyń 182-si bala. 300-ge jýyq naýqastyń jaǵdaıy óte aýyr, taǵy 464-i reanımatsııada, 2511-iniń hali nashar.

20-39 jas arasynda dertke shaldyqqandar joǵary - 33,5%, 40-59 jas arasynda - 25,2%, 60 jastan asqandar arasynda - 23, 1%. Qalǵan 18% - balalar men jasóspirimder.

Koronavırýstyń taralýyna áser etetin faktorlar – týystarmen, dostarmen jáne jumystaǵy baılanys. Búginde Almatyda KVI ınfektsııasyn juqtyratyn bes oryn anyqtalǵan, olar mynalar: saýda obektileri - 32%, otbasylyq baılanys - 16%, qoǵamdyq kólikter - 17,1%, bazarlar - 13%.

Buqaralyq is-sharalardy ótkizýge tyıym salynǵanyna qaramastan, quqyqbuzýshylyq azaımaı otyr. Keıbir Almaty turǵyndary barlyq talaptardy elemeı, túrli merekeler uıymdastyryp, buqaralyq sharalar ótkizedi.

Osylaısha, qala turǵyndary ózderiniń densaýlyǵyna ǵana emes, jaqyndarynyń densaýlyǵyna da qaýip tóndirýde.

Ambýlatorlyq emdeletin naýqastardyń ózin-ózi oqshaýlaýyna erekshe nazar aýdarý qajet. Іndet juqtyrǵan 143 030 naýqas mobıldi brıgada men telemedıtsına ortalyǵynyń baqylaýynda.