Almatyda koronavırýs juqtyrǵandardyń jaǵdaıy qalaı
ALMATY. QazAqparat – Almatyda sońǵy eki táýlikte koronavırýs indetin 78 adam juqtyrdy. Keshe - 54, búgin - 24 jaǵdaı anyqtaldy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
Qazirgi ýaqytta Almatyda koronavırýs ınfektsııasyn juqtyrýdyń rastalǵan 756 jaǵdaıy tirkelgen.
«Onyń ishinde ortalyq qalalyq aýrýhananyń karantındegi 22 medıtsına qyzmetkeri, №1 qalalyq klınıkalyq aýrýhananyń provızorlyq statsıonarynyń 2 qyzmetkeri, balalar qalalyq juqpaly aýrýlar aýrýhanasynyń 10 qyzmetkeri, 4 medıtsınalyq jedel járdem qyzmetiniń 4 qyzmetkeri jáne vırýs juqtyrǵan adammen baılanysta bolǵan 40 adam bar»,– dep habarlady basqarmadan.
Eki adamnyń jaı-kúıi óte aýyr, 24 adam – aýyr, 198 patsıent - ortasha aýyr jaǵdaıda. Qalǵan naýqastardyń jaǵdaıy birqalypty.
Qazirgi ýaqytta juqpaly aýrýlar statsıonarlarynda 663 patsıent emdelýde.
Provızorlyq ortalyqtarda - 440 adam, onyń ishinde 15 bala bar. Karantındik oqshaýlaýda – 421 (5 bala), úı karantıninde – 10 093 azamat bar.
Búgingi kúnge deıin Almatyda 88 adam saýyǵyp, úıine shyqqan.
