Almatyda koronavırýs juqtyrǵandardyń arasynda 6 bala men 4 júkti áıel bar
ALMATY. QazAqparat – Almatyda osy ýaqytta koronavırýsty jańadan juqtyrǵandar sany - 23. Onyń ishinde Balalar qalalyq klınıkalyq juqpaly aýrýlar aýrýhanasynyń 1 medıtsına qyzmetkeri bar dep habarlaıdy QazAqparat coronavirus2020.kz saıtyna silteme jasap.
Saıt taratqan aqparattarǵa qaraǵanda, qalada sonymen qatar taǵy 22 adam indet juqtyrǵan adammen baılanysta bolǵandar qatarynda tur.
Keshe koronavırýstyq ınfektsııa rastalǵan taǵy bir patsıent kóz jumdy. Bul 1960 jyly týǵan patsıent 8 sáýirden bastap júrek-ókpe jetkiliksizdigi, kaheksııasyna (aǵzanyń tozýy) baılanysty aýyr halde Ortalyq qalalyq klınıkalyq aýrýhanasynyń provızorlyq bólimshesinde emdeýde boldy. Alynǵan taldaýlary oń nátıje berdi.
Qazirgi ýaqytta ınfektsııalyq statsıonarlarda Almaty oblysynan bir áıel adamdy esepke ala otyryp, Covid-19-dan 330 patsıent emdelýde.
Provızorlyq gospıtaldarda 368 adam jatyr, onyń 7-ýi bala, karantındik oqshaýlaýda – 426, úı karantıninde – 7288 adam bar.
Koronavırýstyq ınfektsııany juqtyrýdyń rastalǵan barlyǵy 393 jaǵdaıy tirkelgen, onyń ishinde 6-y balalar jáne 4 júkti áıel.
