Almatyda koronavırýs juqtyrǵandar sany eki ese ósti – Jandarbek Bekshın
ALMATY. QazAqparat – Almatyda sońǵy eki aptada vırýs juqtyrǵandardyń sany eki esege kóbeıdi. Bul týraly onlaın brıfıng barysynda qalanyń memlekettik bas sanıtarlyq dárigeri Jandarbek Bekshın málim etti, dep habarlaıdy QazAqparat tilshisi.
«Sońǵy 2 aptada koronavırýs aýrýy 2,1 ese ósti (1143-ten 2377 jaǵdaıǵa deıin), sońǵy táýlikte indet 305 adamnan anyqtaldy, táýliktik ósim 0,4% -dy dy qurady. Almaty qalasyndaǵy epıdemıologııalyq jaǵdaı aǵymdaǵy jyldyń 17 maýsymynan bastap kontagıozdy mýtatsııalanǵan «delta» shtamynyń taralýyna baılanysty kúrdelene tústi, ortasha táýliktik PTR oń nátıjeleri sońǵy 7 kúnde aldyńǵy 7 kúnge qaraǵanda 130-dan 215-ke deıin jetti», - deıdi ol.
Sonymen qatar, Jandarbek Bekshın 18 maýsymnan bastap mýtatsııalanǵan shtamdarǵa zertteýler júrgizilip jatqanyn aıtty.
«Koronavırýsty juqtyrǵandar sany kúrt ósti. Osyǵan baılanysty Almaty qalasynda mýtatsııalanǵan shtamdardyń bolýyna zertteýler júrgizildi, nátıjesinde koronavırýs naýqastarynan PTR+ bar 131 úlginiń ishinde mynadaı shtamdar anyqtaldy: 77-de (59%) alfa (Brıtandyq), 46-da (35%) delta (Úndi), onyń 45-inde sońǵy 3 kúnde, 2-de (1,5%) gamma (Ońtústik Afrıka) jáne 1-de (0,8%) betta (Nıý-Iork). ıAǵnı, birjaqty qorytyndy alyndy – eger buryn epıdemıologııalyq jaǵdaıdyń kúrdelenýi alfa shtamymen baılanysty bolsa, qazirgi ýaqytta COVID-19 -dyń ósýi Nur-Sultan qalasy men Reseıden ákelingen delta shtamynan týyndap otyr»,- dedi ol.
Jyl basynan beri Almaty qalasynda 56 138 adam koronavırýs juqtyrdy.
