Almatyda koronavırýs juqtyrǵandar sany eki ese ósti – ákimdik
ALMATY. QazşAqparat - Almatyda koronavırýs juqtyrǵandar sany eki esege ósti, dep habarlaıdy QazAqparat tilshisi.
Sanıtarlyq-epıdemıologııalyq baqylaý departamentiniń derekteri boıynsha ótken aptada koronavırýs 1,7 esege ósip, sońǵy táýlikte 299 adamnan vırýs anyqtaldy. Táýliktik ósim - 0,3%.
7 shildedegi jaǵdaı boıynsha qalada koronavırýs ınfektsııasynyń 76407 jaǵdaıy tirkeldi, onyń 59660-y sımptomdy jáne 16747-si sımptomsyz, anyqtalmaǵan pnevmonııa - 2013.
6 shildede koronavırýs ınfektsııasy 299 adamnan anyqtaldy. Onyń 259-y sımptomdy, 40-y sımptomsyz. Táýliktik ósim - 0,3%. Reprodýktıvti sany - 1,353.
Infektsııalyq statsıonarlarda 1131 adam (80 bala) emdelýde, onyń 33-iniń jaǵdaıy óte aýyr, 256-sy aýyr, 842-si ortasha aýyrlyq dárejesinde.
Reanımatsııa men ıntensıvti terapııa bólimderinde 102 patsıent jatyr. Jasandy tynys alý apparatynda - 19, ınvazıvti emes tynys alý apparatynda - 34, High flow apparatyndaǵylar - 22.
Almatyda 7 shildedegi jaǵdaı boıynsha vaktsınany 534 199 adam aldy, onyń ishinde 5 240 polıtsııa qyzmetkeri, 29 501 muǵalim, 34 229 dáriger. Vaktsınalanǵandardyń jalpy sanynan 60 jastan asqandar 87134 adamdy quraıdy (16,3%).
Qalanyń sanıtarlyq epıdemıologııalyq baqylaý departamenti egde jastaǵy azamattardy belsendi túrde vaktsınalanýǵa shaqyrady, óıtkeni vaktsına sozylmaly aýrýy bar naýqastardyń ınfektsııa juqtyrýlarynyń aldyn alady.
Búgingi tańda qalada medıtsınalyq uıymdarda, mektepterde, mádenı-sporttyq mekemelerde, bazarlarda jáne qalanyń SOSO-da 212 ekpe pýnktteri jumys jasaýda. Quramynda 1260 adam bar 308 ekpe brıgadasy jumyldyrylǵan.
