Almatyda koronavırýs juqtyrǵandar sany azaıyp keledi - Jandarbek Bekshın

ALMATY. QazAqparat – Almaty qalalyq Sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın qaladaǵy koronavırýstyq ınfektsııanyń aldyn alýǵa baılanysty shekteý sharalary týraly brıfıng ótkizdi, dep habarlaıdy QazAqparat tilshisi.

Onyń aıtýynsha, Almatyda vırýsjuqtyrý kórsetkishi azaıyp keledi.

«Almaty qalasynyń qyzyl aımaqqa kirýine baılanysty jańa shekteýler qabyldandy. Aýrýdyń aptalyq kórsetkishi 54,2 bolyp tur. Qalypty jaǵdaıda 100 myń adamǵa 50 jaǵdaı bolady. ıAǵnı ındeks boıynsha aýrýshańdyq 1-den asyp tur. Ótken táýlikte 53 jaǵdaı tirkeldi. Osylaısha koronavırýs aýrýynyń azaıǵany baıqalyp otyr», - dedi Bekshın.

Aıta ketý kerek, Almaty qalasy qyzyl aımaqqa enýine baılanysty qalalyq Sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın jańa qaýly qabyldaǵan bolatyn.

Qaýlyǵa sáıkes saýda, oıyn-saýyq ortalyqtary men bazarlar senbi-jeksenbi kúni jumys istemeıdi.

Al kınoteatrlar men teatrlardyń jumysy ýaqytsha toqtatyldy.

Sonymen qatar, jańa qaýlyǵa sáıkes endi koronavırýs juqtyrǵan adamdar aýrýhanaǵa jatyp emdeledi.