Almatyda koronavırýs juqtyrǵandar sany 1 285-ke jetti
ALMATY. QazAqparat - Almatyda koronavırýstyq ınfektsııany juqtyrýdyń rastalǵan 1 285 jaǵdaıy tirkeldi, dep habarlaıdy QazAqparat tilshisi.
«Jańadan juqtyrǵan 38 adam anyqtaldy. Onyń ishinde 3-ýi úı oshaǵynan, qalǵandary vırýs juqtyrǵan naýqaspen baılanysta bolǵandar. Vırýsy jańadan anyqtalǵan adamdarmen baılanysta bolǵan barlyq adamdar tabylyp, karantınge ornalastyryldy.
2 adamnyń jaı-kúıi óte aýyr, 25 adamda – aýyr, 263-inde aýyrlyqtyń ortasha dárejesinde jáne qalǵandarynda – qanaǵattanarlyq»,- dedi qalalyq Qoǵamdyq densaýlyq saqtaý basqarmasynyń baspasóz qyzmetinen.
Búginde juqpaly aýrýlar statsıonarlarynda Covid-19 vırýsynan 1 111 patsıent emdelip jatyr.
