Almatyda koronavırýs juqtyrǵan turǵyndar sany 1028-ge jetti
ALMATY. QazAqparat –Almaty qalasynyń memlekettik bas sanıtarlyq dárigeri Jandarbek Bekshın onlaın brıfıng barysynda koronavırýs juqtyrǵandardyń sany 1028-ge jetkendigin málim etti, dep habarlaıdy QazAqparat tilshisi.
«Aýrý kóbinese eresekter arasynda tirkelip jatyr. Barlyq kontıngent boıynsha aıtsaq, 14 jasqa deıingi balalar arasynda 37 jaǵdaı bolǵan (3,7%) 15-19 jastaǵy balalar arasynda 54 jaǵdaı tirkeldi. Bul barlyq aýrýlar sanynyń 5,4 %-y bolyp otyr. Eń kóp tirkelgen 20-29 jastaǵy eresekterdiń sany -340 (34,4 %). 30-39 jastaǵy eresekter arasynda 184 jaǵdaı tirkeldi (18,6 %). 40-49 jastaǵylar arasynda 164 adam, 60-tan asqan úlken kisilerden 70 adam aýyrǵan», - dedi Jandarbek Bekshın.
Almatyda 8 adam qaıtys bolǵan.
Bas sanıtarlyq dárigerdiń aıtýynsha, qalada 366 ınfektsııa oshaǵy bar. Onyń ishinde belsendi bolyp turǵan 151-inde 14 kún boıy dezıfektsııa kúnde jasalsa, basqa oshaqtarda tek podezderdi, al jekemenshik úılerdi apta saıyn 2 ret zararsyzdandyrady.
Barlyq oshaqtar boıynsha baılanysta bolǵan 14 541 tulǵa anyqtaldy. Onyń ishinde jaqyn qatynasta bolǵan 1468 adam provızorlyq klınıkada jatsa, úı karantıninde 9160 adam jatyr. 2655 adam úı karanatıninen shyqty.
