Almatyda koronavırýs juqtyrǵan patsıentterdiń jaǵdaıy jaqsara bastady
ALMATY. QazAqparat – Almaty qalalyq qoǵamdyq densaýlyqty saqtaý basqarmasynyń basshysy Tileýhan Ábildaev vırýs juqtyrǵan 3 adam týraly onlaın brıfıng barysynda aıtyp berdi, dep habarlaıdy QazAqparat tilshisi.
«Almatyda taǵy 3 adam koronavırýs juqtyrǵany anyqtaldy. Qazir juqpaly aýrýlar aýrýhanasynda KVI rastalǵan 22 patsıent bar. Búgin jatqyzylǵan 3 adamnyń biri – áıel adam shetelden kelgen azamattarmen baılanysta bolǵan. Qurǵaq jótel, tamaq qyryldaýy, keýde aýyryp, qulaqtyń bitelýi sııaqty sımptomdar bolǵan soń odan 18 naýryzda test alynǵan bolatyn. Búgin test nátıjesi rastaldy. Ekinshi patsıent - Berlın-Almaty charterlik reısiniń bortserigi. 12 naýryzdan ushyp kelgen kúnnen bastap juqpaly aýrýlar aýrýhanasynda karantınde boldy. Úshinshi patsıent - 1997 jyly týǵan er adam 19 naýryzda Parıj-Mınsk-Almaty reısimen ushyp kelgen. Qazir test kórsetkishi rastalǵan soń ol provızorlyq klınıkadan qalalyq juqpaly aýrýlar aýrýhanasyna aýystyryldy», - dedi T.Ábildaev.
Onyń aıtýynsha, qazir 20 naýqastyń jaǵdaıy oıdaǵydaı.
«Olardyń barlyǵynyń densaýlyǵy jaqsara bastaǵan. Dene qyzýy tústi. 2 adamnyń jaǵdaıy ortasha aýyr dep baǵalanyp otyr», - dedi ol.
Búginde qalanyń provızorlyq emhanalarynda 696 adam jatyr. Úı karantıninde 1108 adam oqshaýlanǵan.
