Almatyda koronavırýs juqtyrǵan patsıentterdiń jaǵdaıy birqalypty - dárigerler
ALMATY. QazAqparat – Almatyda koronavırýs ınfektsııasymen aýrýhanaǵa jatqan adamdardyń jaǵdaıy birqalypty. Bul týraly qalalyq qoǵamdyq densaýlyq saqtaý basqarmasynyń basshysy Tileýhan Ábildaev brıfıng barysynda aıtyp berdi, dep habarlaıdy QazAqparat tilshisi.
«Balalardyń da, eresekterdiń de jaǵdaıy qanaǵattanarlyq. Eshqandaı shaǵymy joq. Jasandy tynys alý apparatyna eshbir patsıent qosylǵan joq», - dedi T.Ábildaev.
Bul azamattarmen baılanysta bolǵan adamdardyń barlyǵy karantınge jatqyzylǵan.
Búginde Qazaqstanda koronavırýs juqtyrǵan adam sany 27-ge jetti. Onyń 16-sy - Nur-Sultan qalasynda bolsa, 11-i - Almaty turǵyndary.
