Almatyda koronavırýs juqtyrǵan patsıent dárigerge ózi barǵan
ALMATY. QazAqparat – Almatyda koronavırýs juqtyrǵan patsıentterdiń biri aýrýhanaǵa ózi barǵan. Bul týraly búgin qalalyq Qoǵamdyq densaýlyqty saqtaý basqarmasynan málimdedi, dep habarlaıdy QazAqparat tilshisi.
«Keshe Almatyda taǵy bir adamnyń juqtyrǵany anyqtaldy. 1986 jyly týǵan áıel Almaty-Stambýl baǵytyndaǵy reıspen 15 naýryzda tańǵy saǵat 6-da kelgen. Ol arnaıy kategorııaǵa jatpaıtyn elden kelgen soń karantınge jatqyzylmady. Keshe alynǵan qan taldaýy oń nátıje kórsetti», - dedi basqarma basshysy T.Ábildaev.
Onyń aıtýynsha, áıel tamaǵy jybyrlap ózin jaısyz sezingen soń qalalyq klınıkalyq aýrýhanaǵa jatqyzylǵan.
«Ol qyzben baılanysta bolǵandardyń barlyǵy anyqtalyp, karantınge jabyldy», - dediol.
Aıta ketý kerek, COVID-19 epıdemıologııalyq ahýaly boıynsha Qazaqstanda juqtyrǵandar sany ár saǵat saıyn ózgerip jatyr.
Dál qazirgi ýaqytta elde aýyrǵandar sany 32-ge jetti.
