Almatyda koronavırýs juqtyrǵan ortalyq aýrýhana qyzmetkeri qaıtys boldy
ALMATY. QazAqparat – Almatyda koronavırýstan emdelip jatqan Ortalyq klınıkalyq qalalyq aýrýhananyń qyzmetkeri qaıtys boldy, dep habarlaıdy QazAqparat tilshisi.
Qalalyq Qoǵamdyq densaýlyq basqarmasynyń habarlaýynsha, ınfektsııalyq statsıonarda Ortalyq qalalyq klınıkalyq aýrýhananyń qyzmetkeri qaıtys boldy.
«Ol aýrýhanada lıfter bolyp jumys istegen. 16 sáýirde odan SARS CoV-2 PTR taldaý alynǵan bolatyn. Test oń nátıje kórsetken soń, naýqas ınfektsııalyq statsıonarǵa aýystyrylǵan bolatyn. Qaıtys bolǵan naýqas hattama boıynsha jansaqtaý, ıaǵnı qarqyndy terapııa bóliminde emdelgen bolatyn», - dedi basqarma ókilderi.
Júrgizilgen em sharalaryna qaramastan polıorgandy jetispeýshilik paıda boldy.
Qazir arnaıy komıssııa áıeldiń qaza bolýyna baılanysty tekserý júrgizip jatyr.
