Almatyda koronavırýs juqtyrǵan medqyzmetkerler sany 234-ke jetti
ALMATY. QazAqparat – Almatyda Covid-19 rastalǵan medıtsına qyzmetkerleriniń sany 234 jetti. Bul týraly Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
«Jańadan vırýs juqtyrǵandardyń qatarynda Ortalyq qalalyq klınıkalyq aýrýhananyń 10 medıtsına qyzmetkeri bar. Olar shuǵyl túrde aýrýhanaǵa jatqyzyldy. Bul azamattardyń ishinde aýyr haldegiler joq. Barlyǵynyń jaǵdaıy qanaǵattanarlyq»,– deıdi Tileýhan Ábildaev onlaın brıfıngte.
Sonymen qatar, ol qalada COVID-19 dıagnozy bar medıtsına qyzmetkerleriniń jalpy sany 234 adamdy quraǵanyn jetkizdi.
