Almatyda koronavırýs juqtyrǵan eki naýqastyń jaǵdaıy aýyr
ALMATY. QazAqparat – Almatyda COVID-19 juqtyrǵan eki naýqastyń jaǵdaıy aýyr. Ekeýi de tynys alýy qıyndaýyna baılanysty ókpeni jasandy jeldetý apparytyna qosylǵan. Bul týraly qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
27 sáýirde Almatyda koronavırýs ınfektsııasyn juqtyrǵandar sany - 847 adam.
«Keshegi kúni taǵy 5 jańadan vırýs juqtyrý jaǵdaıy anyqtaldy. Onyń tórteýi - karantındegi naýqaspen baılanysta bolǵandar. Onyń ishinde 1989 jyly týǵan eki er adam jáne 1971, 1958 jyly týǵan eki áıel kisi bar. Al besinshisi - keshe «Atyraý - Almaty» reısimen ushyp kelgen 1988 jylǵy áıel. Ekıpajdyń barlyq músheleri karantınge jatqyzyldy»,– dep habarlaıdy qalalyq densaýlyq saqtaý basqarmasy.
Eki naýqastyń jaı-kúıi asa aýyr, 29 adamdyki – aýyr, 214 adamda – ortasha aýyr, qalǵan patsıentterdiń jaǵdaıy birqalypty.
Basqarmanyń málimetinshe, eki naýqas tynys alýy qıyndaýyna baılanysty ÓJJ apparatyna qosylǵan.
Juqpaly aýrý statsıonarlarynda 744 adam jatyr.
Provızorlyq gospıtaldarda 481 adam jatyr, onyń ishinde 11 bala bar. Karantındik oqshaýlaýda - 415 adam, onyń beseýi - bala. Provızorlyq jáne karantındik statsıonarlarda bos oryndar jetkilikti ekenin aıta ketken jón.
Búgingi kúnge deıin Almatyda 96 adam saýyǵyp, úıine oralǵan. Onyń ishinde altaýy - balalar.
