Almatyda koronavırýs juqtyrǵan bir adamdyń jaǵdaıy aýyr
ALMATY. QazAqparat – Almaty dárigerleri qaladaǵy epıdemıologııalyq ahýal týraly baıandady, dep habarlaıdy QazAqparat tilshisi.
Almatyda jalpy 58 naýqas bolsa, onyń ekeýi emdelip shyqty.
«Qazirgi ýaqytta qaladaǵy juqpaly aýrýlar statsıonarynda 56 naýqas bar, sonyń ekeýi bala. Jańadan anyqtalǵan 10 naýqastyń beseýi 27 naýryzda Sankt-Peterbor – Almaty reısimen, bireýi 26 naýryzda Ystanbul – Almaty, al qalǵan ekeýi Máskeý – Almaty reısimen ushyp kelgen. Taǵy ekeýi indet juqtyrýshylarmen baılanysta bolǵan», - dedi basqarmadan.
Quzyrly organnyń habarlaýynsha, barlyq naýqastardyń jaǵdaıy qanaǵattanarlyq.
«Em qabyldap jatqan 51 naýqastyń jaǵdaıy qanaǵattanarlyq. Tek bir eresek naýqastyń jaǵdaıy aýyr dep baǵalansa, tórt emdelýshi ortasha dárejede, onyń ishinde bala da bar. Provızorlyq ortalyqtarda 854 adam bar, onyń 86-sy bala. Al úı karantıninde 2037 adam jatyr», - dedi basqarma ókilderi.
