Almatyda koronavırýs juqtyrǵan balalar sany kúrt kóbeıdi
ALMATY. QazAqparat - Almatyda koronavırýs juqtyrǵan balalar sany kúrt kóbeıdi. Іndet «jasardy». Bul týraly Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın onlaın brıfıng barysynda aıtty, dep habarlaıdy QazAqparat tilshisi.
Onyń aıtýynsha, qalada koronavıýrstyń keń taraýyna mýtatsııalanǵan túriniń kelýi sebep bolǵan. Óıtkeni jańa shtammnyń juqtyrý qabileti eki ese joǵary.
«Іndet «jasardy». Qazir koronavırýsty jas balalar juqtyryp jatyr. Osy másele bizdi alańdatyp otyr. Naýryz aıynyń birinshi aptasynda 10 jaǵdaı tirkelgen bolatyn. Qazir 160 jetti. Sondyqtan buǵan mán berý kerek. Eń aldymen ata-analar saq bolýy qajet. Byltyr oqýshylar arasynda vırýs juqtyrý jaǵdaıy 281 bolǵan. Jańa jyldan beri 1700-ge jýyq oqýshydan vırýs anyqtaldy. Vırýs anyqtalǵan oqýshylardyń 80 paıyzy úıde, ıaǵnı qashyqtan oqıtyndar. Sondyqtan balanyń qaıda júrgenin baqylaý kerek, olarǵa adam kóp shoǵyrlanǵan jerge barmaýǵa keńes berý kerek. Kún jylynysymen myńdaǵan adam dalaǵa shyqty, sondyqtan adam kóp jınalatyn jerden bastartý qajet, - dedi ol.
Jandarbek Bekshın sanıtarlyq talapty saqtaýǵa keńes berdi. Qoldy jýyp, maskany únemi taǵyp júrý kerektigin basa aıtty.
