Almatyda koronavırýs juqtyrǵan alty balanyń jaǵdaıy qandaı
ALMATY. QazAqparat - Almatyda koronavırýs juqtyrǵan 6 balanyń jaǵdaıy týraly qalalyq Qoǵamdyq densaýlyq saqtaý basqarmasynyń basshysy Tileýhan Ábildaev onlaın brıfıng barysynda aıtty, dep habarlaıdy QazAqparat tilshisi.
«Balalar Covid-19 naýqastaryn emdeýge bólingen ınfektsııalyq statsıonarlarda jatyr. Olar QR DSM bekitken hattama boıynsha óz jastary men salmaǵyna qaraı tıisti em qabyldap jatyr. 6 balanyń da jaǵdaıy jaqsy, qanaǵattanarlyq. Jaqyn arada tolyq saýyǵady degen senimdemiz», - dedi basqarma basshysy.
Onyń aıtýynsha, ata-anasynan juqtyrǵan balalar aýrýhanada birge, al 8 jastan asqandary jeke jatyr.
