Almatyda koronavırýs juqtyrǵan 691 adam úıinde emdelip jatyr
ALMATY. QazAqparat – Qazirgi ýaqytta 691 adam úıinde emdelip jatyr. Olar medıtsınalyq baqylaýǵa alynǵan. Barlyǵy - jeńil dárejeli naýqastar. Bul týraly qoǵamdyq densaýlyq saqtaý basqarmasynyń basshysy Narıman Tabynbaev málim etti, dep habarlaıdy QazAqparat tilshisi.
«Búginde úıde 691 adam medıtsınalyq baqylaýda. Onyń ishinde 278 naýqasta sımptom joq, 413 patsıentte aýrýdyń jeńil belgileri bar. Sońǵy eki aptada osy sanattaǵy patsıentterdiń sany is júzinde bir deńgeıde – 650-den aspaıdy. 7% ósim jeńil jáne ortasha aýyr sımptomdary bar patsıentterdiń esebinen júredi»,- dedi spıker.
Sonymen qatar, ol Covid-19-ǵa qarsy kúres boıynsha alǵashqy medıtsınalyq-sanıtarlyq kómek deńgeıinde áleýetti arttyrýdy jalǵastyryp jatqanyn jetkizdi.
Eger maýsym aıynda mobıldi brıgadalardyń sany - 72 bolsa, búginde olardyń sany 298-ǵa jetti. Jumysqa tartylǵan mamandardyń sany shamamen 5 ese artty.
«Aalmatyda ambýlatorlyq emdeýdegi COVID-19 patsıentterine qaraý úshin Telemedıtsına ortalyǵy ashyldy. Maqsaty - úıde qaýip-qater tobyndaǵy patsıentterdi qashyqtan baqylaý jáne olarǵa konsýltatsııa berý. Qaýip tobyndaǵylar - egde jastaǵy adamdar jáne qatar júretin aýrýy bar patsıentter. Sońǵy eki aı ishinde, 1 qarashadan 4 qańtarǵa deıin ortalyq mamandary 10 000-ǵa jýyq qońyraý qabyldap, 40 000-ǵa jýyq qońyraý jasady»,- deıdi Narıman Tabynbaev.
