Almatyda koronavırýs juqtyrǵan 67 adamnyń jaǵdaıy óte aýyr
ALMATY. QazAqparat - Almatyda koronavırýs juqtyrǵan 3 263 naýqas em qabyldap jatyr. 67 adamnyń jaǵdaıy óte aýyr. Bul týraly Almaty qalasy qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
Ótken táýlikte 661 adamnan koronavırýs anyqtaldy. Onyń 519 sımptomdy, 92 sımptomsyz.
«Qazir 7 myń tósek-orynnyń 5 610 tósek-orny iske qosylǵan. Búgingi kúni 3 263 naýqas em qabyldap jatyr. Onyń 103 bala. Jaǵdaıy asa aýyr naýqastar sany - 67, osyndaı naýqastar sany artyp keledi. 2558 naýqastyń jaǵdaıy ortasha aýyr»,-dep habarlady basqarmadan.
4 sáýirde 80 naýqas aýrýhanadan shyǵaryldy.
«Halyq Arena» keshenindegi myń tósek-orynǵa aralǵan statsıonarda 42 naýqas jatyr. Karantıdik tósekter boıynsha «Premer-Alataý» qonaq úıindegi 70 orynnyń 10-y bos emes. Al, «Astana Inter hotel Almaty» qonaqúıinde 5 adam bar. Ondaǵy tósek- oryn sany 200 .
