Almatyda koronavırýs juqtyrǵan 66 bala emdelip jatyr
ALMATY. QazAqparat - Almatyda koronavırýs juqtyrǵan 3 114 naýqas em qabyldap jatyr. Bul týraly qalalyq qoǵamdyq densaýlyq basqarmasy málim etti, dep habarlaıdy QazAqparat tilshisi.
Búgin tańerteńgi aqparat boıynsha 620 adamnyń koronavırýs juqtyrǵany anyqtaldy. Munyń ishinde 483-i sımptomdy, jeńil jáne ortasha deńgeıdegi belgilermen, 137-i sımptomsyz aýyrǵan.
«Qazir 7 myń tósek-orynnyń 5 610 tósek-orny iske qosylǵan. Búgingi kúni 3 197 naýqas em qabyldap jatyr. Onyń 66-y bala. Jaǵdaıy asa aýyr naýqastar sany - 84, jaǵdaıy aýyr – 602 adam bar. 2511 naýqastyń jaǵdaıy ortasha aýyr», -dep habarlady basqarmadan.
Pandemııa bastalǵaly 29 316 aýrýynan aıyǵyp aýrýhanadan shyǵaryldy.
Halyq Arena» keshenindegi myń tósek-orynǵa aralǵan statsıonarda 44 naýqas jatyr.
5 sáýir kúni 2 960 almatylyqqa koronavırýsqa qarsy ekpe salyndy. Jalpy, 1 aqpannan bastap 47 275 turǵyn «Spýtnık-V» vaktsınasyn aldy. Onyń 8 805 eki komponenti aldy.
Aıta keteıik, 9 sáýir kúni Almatyǵa koronavırýsqa qarsy vaktsınanyń 57 myń dozasy jetkiziledi.
