Almatyda koronavırýs juqtyrǵan 56 naýqas jansaqtaý bóliminde jatyr

ALMATY. QazAqparat – Almatyda ótken táýlikte taǵy 203 adam koronavırýs juqtyrdy. Onyń 179-da - sımptom bar, 29-da - aýrý belgileri joq. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

Jazylyp shyqqandar sany - 28 bolsa, 37 adam aýrýhanaǵa jańadan tústi.

2 145 tósek-oryndyq ınfektsııalyq statsıonarda 730 adam jatyr, onyń ishinde 35 bala em alyp jatyr.

Jalpy reanımatsııa jáne qarqyndy terapııa bólimshesinde – 56 adam bar. 20 naýqas jasandy tynys alý apparatyna qosylǵan.

Invazıvti emes jasandy tynys alý apparatynda 6 adam em qabyldaýdy jalǵastyryp jatyr. High flow-da 14 apparat jumys isteıdi.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 2 011 naýqas bar.

Onyń ishinde jeńil jáne ortasha aýyr jaǵdaıda – 1 852 naýqas, sımptomsyz 159 naýqas bar.