Almatyda koronavırýs juqtyrǵan 495 medıtsınalyq qyzmetker ústemaqy aldy

NUR-SULTAN. QazAqparat - Almatyda koronavırýspen aýyrǵan 495 medıtsınalyq qyzmetker ústemaqy aldy. Bul týraly Ortalyq kommýnıkatsııalar ortalyǵynda ótken onlaın brıfıngide QR DSM taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev aıtty, dep habarlaıdy QazAqparat tilshisi.

«Almaty qalasy boıynsha 1 206 medıtsınalyq qyzmetker koronavırýspen aýyrǵan bolatyn. Olardyń ishinde 495-i ústemaqy aldy. Jergilikti komıssııanyń paıymdaýy boıynsha, 907 medıtsınalyq qyzmetker osy syrqatty óziniń qyzmeti barysynda juqtyrǵan. Qyzmet babynda júrip aýrý juqtyryp, qaza bolǵan 2 áriptesimizdiń otbasyna jergilikti komıssııanyń sheshimimen 10 mıllıon teńge kóleminde ústemaqy tólendi», - deıdi Tımýr Sultanǵazıev.