Almatyda koronavırýs juqtyrǵan 35 jastaǵy patsıent Ystanbuldan ushyp kelgen
ALMATY. QazAqparat - Almatyda koronavırýs shyqqan patsıentterdiń biri Ystanbuldan ushyp kelgen, dep habarlaıdy QazAqparat tilshisi.
Coronavirus2020.kz málimetinshe, 1985 jyly dúnıege kelgen birinshi patsıent 19 naýryz kúni Ystanbul-Almaty reısimen ushyp kelgen. Al ekinshisi buǵan deıin Máskeý-Almaty reısimen kelgen, koronavırýs anyqtalǵan patsıentpen baılanysta bolǵan. Qazirgi ýaqytta patsıentterdiń densaýlyǵy qanaǵattanarlyq jaǵdaıda.
Búginde qalanyń klınıkalyq juqpaly aýrýlar aýrýhanasynda 29 patsıent jatyr. Eki naýqastyń jaǵdaıy ortasha aýyr. Olardyń ishinde bir balada oń ózgerister baıqalady. Al qalǵan naýqastardyń jaǵdaıy birqalypty.
Qazirgi ýaqytta provızorlyq gospıtalderde - 672 adam, karantınde - 598 adam, úı karantıninde - 1 549 adam jatyr. Karantınde jatqan jatqan adamdardyń dene qyzýy norma sheginde, kataraldy aýytqýlar joq.
