Almatyda koronavırýs juqtyrǵan 34 adamnyń jaǵdaıy óte aýyr
ALMATY. QazAqparat - Ótken táýlikte Almatyda COVID-19 vırýsyn juqtyrýdyń jańadan 450 jaǵdaıy tirkeldi. Onyń 370-i sımptomdy jáne 80-i sımptomsyz, dep habarlaıdy QazAqparat tilshisi.
Almaty qalasynyń ákimdigi taratqan málimetke sáıkes, 27 naýryzdaǵy jaǵdaı boıynsha ınfektsııalyq statsıonarlarda 2524 adam bar, sonyń ishinde 34 naýqastyń jaǵdaıy asa aýyr, 272-si aýyr, 2218-iniń jaǵdaıy ortasha aýyr.10 naýqas ókpeni jasandy jeldetý apparatynda jatyr. Invazıvti emes ÓJJ – 49 adam.
Qazir qalada ınfektsııalyq jáne modýldik statsıonarda, aýrýhanalardyń juqpaly aýrýlar bólimshelerinde, Halyq Arenada jalpy syıymdylyǵy 7011 tósek-orny bar, oǵan qosymsha 250 reanımatsııalyq tósek-oryn bar eken. KVI jáne pnevmonııamen aýyratyn naýqastarǵa 5 150 tósek-oryn (paıdalanýǵa) daıyn. Reanımatsııalyq bólimshelerden 220-sy jumyldyryldy.
«Statsıonarlarda ınfektsııalyq bólimshelerdi ashý kezinde KVI nemese KVI belgileri bar naýqastardyń beıindi bólimshelerde emdelip jatqan josparly jáne shuǵyl somatıkalyq patsıenttermen «aralaspaýyna» erekshe nazar aýdarylady. ıAǵnı statsıonardyń ishinde KVI-di taratpaý jónindegi barlyq sharalar saqtalady - ınfektsııalyq bólimsheler basqalardan oqshaýlanyp, fıltr, jeke qabyldaý bólimshesi jáne t. b. arqyly jeke kiretin esigi bar»,-delingen habarlamada.
Almaty ákimdigi turǵyndardy karantındik normalardy saqtaýda jaýapkershilikke shaqyrady. Bul jedel jáne sapaly medıtsınalyq kómek kórsetý úshin jappaı juqtyrýdyń jáne tósek-oryn qoryna shamadan tys júktemeniń aldyn alý úshin mańyzdy.
