Almatyda koronavırýs juqtyrǵan 33 jolaýshy reısten túsirilgen

ALMATY. QazAqparat – Almatyda koronavırýs tabylǵan 33 jolaýshy áýe reısinen alyndy. Bul týraly onlaın brıfıng barysynda qalalyq bas sanıtar dáriger Jandarbek Bekshın aıtty, dep habarlaıdy QazAqparat tilshisi.

«8 qazannan beri áýe bortynan 33 adam túsirildi. Osynyń arqasynda aýrýdyń taralý yqtımaldyǵy seıildi. Olardyń barlyǵy oqshaýlanǵan. Sondaı-aq 5000 adam anyqtamasyz ushqan. Olar tekserýden ótip, test qorytyndysy teris nátıje kórsetken soń ǵana jiberildi», - dedi J.Bekshın.

Onyń aıtýynsha, kóbine kýrorttyq aımaqtarda demalyp kelgender vırýs ákelip jatyr.

«Basqa elge barýdan bas tarta turýdy ótinemin. Úıde otyryńyzdar. Bizde qazir shetelge qaraǵanda aýrý kórsetkishi tómen bolyp tur», - dedi J.Bekshın.