Almatyda koronavırýs juqtyrǵan 3,8 myń adam aýrýhanada jatyr
ALMATY. QazAqparat- Almatyda koronavırýs juqtyrǵan 3872 naýqas em qabyldap jatyr. Bul týraly qalalyq qoǵamdyq densaýlyq basqarmasy málim etti, dep habarlaıdy QazAqparat tilshisi.
«Búgin tańerteńgi aqparat boıynsha 610 adamnyń koronavırýs juqtyrǵany anyqtaldy. Munyń ishinde 529-y sımptomdy, jeńil jáne ortasha deńgeıdegi belgilermen, 81-i sımptomsyz aýyrǵan»,- dep habarlady Almaty qalalyq qoǵamdyq densaýlyq saqtaý basqarmasynan.
Qazir 7 myń tósek-orynnyń 6 100 tósek-orny iske qosylǵan. Búgingi kúni 3 872 naýqas em qabyldap jatyr. Kelip túsken naýqastar sany – 260, emdelip shyǵarylǵandar sany – 69 adam.
Aıta keteıik, Almatyda ótken táýlikte 6140 adamǵa koronavırýsqa qarsy ekpe salyndy.
