Almatyda koronavırýs juqtyrǵan 3,6 myń adam aýrýhanada jatyr
ALMATY. QazAqparat- Almatyda koronavırýs juqtyrǵan 3 649 naýqas em qabyldap jatyr. Bul týraly qalalyq qoǵamdyq densaýlyq basqarmasy málim etti, dep habarlaıdy QazAqparat tilshisi.
Búgin tańerteńgi aqparat boıynsha 612 adamnyń koronavırýs juqtyrǵany anyqtaldy. Munyń ishinde 540-y sımptomdy, jeńil jáne ortasha deńgeıdegi belgilermen, 72-i sımptomsyz aýyrǵan.
«Qazir 7 myń tósek-orynnyń 6 100 tósek-orny iske qosylǵan. Búgingi kúni 3 649 naýqas em qabyldap jatyr. Onyń 99-y bala. Jaǵdaıy aýyr naýqastar sany 728. Ortasha jaǵdaıdaǵy naýqastar sany 2921. ÓJJ – 32, ınvazıvti emes ÓJJ – 88, High flow-da 79 apparat jumys isteıdi»,- dep habarlady basqarmadan.
Medıtsınalyq-sanıtarııalyq alǵashqy kómek mobıldi brıgadalarynyń jáne telemedıtsına ortalyǵynyń ambýlatorııalyq baqylaýynda 6 132 patsıent bar, sımptomdarmen, aýyrlyqtyń ortasha dárejesimen – 5 196, sımptomsyz – 936 adam.
Buǵan deıin, qalalyq densaýlyq saqtaý basqarmasy Almatynyń ınfektsııalyq statsıonarlarynda tósek-oryn tapshylyǵy joq ekenin aıtqan bolatyn.
