Almatyda koronavırýs juqtyrǵan 2155 naýqas telemedıtsına ortalyǵynyń baqylaýynda

ALMATY. QazAqparat - Almatyda koronavırýs juqtyrǵan 140 naýqas aýrýhanada em qabyldap jatyr. Bul týraly qalalyq qoǵamdyq densaýlyq basqarmasynan málim etti, dep habarlaıdy QazAqparat tilshisi.

13 shilde kúngi aqparat boıynsha, bir táýlikte qalada 350 adam koronavırýs juqtyrǵan.

«Infektsııalyq statsıonarlarda 140 adam bar. (Tósek-oryn 300)», – dep naqtylady qoǵamdyq densaýlyq saqtaý basqarmasynyń baspasóz qyzmetinen.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 2 155 patsıent bar.

Onyń ishinde indet belgileri bar, ortasha aýyr jaǵdaıdaǵy naýqastar – 1985.

Sımptomsyz 170 naýqas bar.