Almatyda koronavırýs juqtyrǵan 19 bala emdelip jatyr
18 qarasha kúngi aqparat boıynsha, bir táýlikte qalada 123 adam koronavırýs juqtyrǵan. Munyń ishinde sımptomdy, jeńil jáne ortasha deńgeıdegi belgimen – 115, sımptomsyz – 8 naýqas tirkeldi. Emdelip shyqqandar sany – 95, kelip túskeni – 76.
«Infektsııalyq statsıonarlarda 656 adam bar (tósek-orynnyń jalpy sany –1 774), onyń ishinde 19 bala emdelýde», – dep naqtylady Qoǵamdyq densaýlyq basqarmasynyń baspasóz qyzmetinen.
Sondaı-aq, reanımatsııa jáne qarqyndy terapııa bóliminde 82 adam jatyr. Al 20 naýqas jasandy tynys alý apparatyna qosylǵan. Invazıvti emes jasandy tynys alý apparatynda 45 adam em qabyldaýdy jalǵastyrýda. High flow-da 11 apparat jumys isteıdi.
Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 1 151 patsıent bar. Onyń ishinde 1 085 naýqasta indet belgisi bar, ortasha aýyr jaǵdaıdaǵy 66 adamda koronavırýs belgileri joq.