Almatyda koronavırýs juqtyrǵan 175 naýqas jansaqtaý bóliminde jatyr
ALMATY. QazAqparat - Almatyda koronavırýs juqtyrǵan 2 916 naýqas em qabyldaýda. 175 adam jansaqtaý bóliminde jatyr. Bul týraly onlaın brıfıng barysynda Almaty qalasy qoǵamdyq densaýlyq basqarmasynyń basshysy Narıman Tabynbaev málim etti, dep habarlaıdy QazAqparat tilshisi.
«Barlyq ınfektsııalyq statsıonarda 5 460 tósek-oryn bar. Búginde onyń 54% -y tolyq. Qazir em qabyldap jatqandar sany 2 916 adam. Naýqastar sany saǵat saıyn ózgerip jatyr. 175 naýqas reanımatsııa bóliminde», - dedi Narıman Tabynbaev.
Sonymen qatar, ol qalada dári-dármek pen jeke qorǵanys medıtsınalyq quraldarynyń 2-2,5 aılyq qory bar ekenin atap ótti.
Buǵan deıin shahar basshysy COVID-19 vaktsınalaryn jappaı jetkizýge, qabyldaýǵa jáne saqtaýǵa arnalǵan ınfraqurylymnyń daıyndyǵyn teksergenin habarlaǵan bolatynbyz.
