Almatyda koronavırýs juqtyrǵan 143 bala emdelip jatyr

ALMATY. QazAqparat - Almatyda koronavırýs juqtyrǵan 1 724 naýqas em qabyldap jatyr. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

11 shilde kúngi aqparat boıynsha, bir táýlikte qalada 638 adam koronavırýs juqtyrǵan.

Munyń ishinde sımptomdy, jeńil jáne ortasha deńgeıdegi belgilermen – 576, sımptomsyz – 62 naýqas tirkeldi.

Barlyq emdelip shyqqandar – 35, kelip túskeni – 206.

«Infektsııalyq statsıonarlarda 1 724 adam bar (tósek-orynnyń jalpy sany –3 700 ), onyń ishinde 143 bala emdelýde», – dep naqtylady qoǵamdyq densaýlyq saqtaý basqarmasynyń baspasóz qyzmetinen.

Sondaı-aq, reanımatsııa jáne qarqyndy terapııa bóliminde 121 adam jatyr. Al 17 naýqas jasandy tynys alý apparatyna qosylǵan.

Invazıvti emes jasandy tynys alý apparatynda 54 adam em qabyldaýdy jalǵastyrýda. High flow-da 42 apparat jumys isteıdi.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 3 255 patsıent bar.

Onyń ishinde indet belgileri bar, ortasha aýyr jaǵdaıda - 2932 naýqas. 323 adamda koronavırýs belgileri joq.