Almatyda koronavırýs juqtyrǵan 132 naýqas ilespe dıagnozdan qaıtys bolǵan
ALMATY. QazAqparat - Almatyda koronavırýs juqtyrǵan 132 naýqas ilespe dıagnozdardan qaıtys bolǵan. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.
Jyl basynan beri Almatynyń patologoanatomııalyq bıýrosyna qala statsıonarlarynan koronavırýs ınfektsııasynan qaıtys bolǵan PTR-test rastalǵan – 278. PTR-test rastalmaǵan 38 adam jetkizilgen.
Densaýlyq saqtaý basqarmasynyń málimetishe, korononavırýs juqtyrǵan 132 naýqas sozylmaly aýrýlardan qaıtys bolǵan.
«Birinshi orynda – qan aınalymy júıesiniń aýrýlary – 64%. Ekinshi orynda – qaterli isik – 10%, úshinshi orynda – as qorytý organdarynyń aýrýlary, olardyń úlesi – 6%, tórtinshi orynda – tynys alý organdarynyń aýrýlary (5%), besinshi orynda – júıke jáne endokrındik júıeniń aýrýlary - 4%, odan ári nesep-jynys júıesiniń aýrýlary, basqa da ınfektsııalyq aýrýlar bar», - dep habarlady basqarmadan.
Nozologııalyq qurylymda rastalmaǵan adamdardyń (27) negizgi úlesin – 78% qan aınalymy júıesiniń aýrýlary, ekinshi orynda - 11% tynys alý organdarynyń aýrýlary, úshinshi orynda - 7% neoplazmalar, tórtinshi orynda 4% endokrındik aýrýlar. Bul sanattaǵy dıagnoz aýtopsııa úshin 2 jaǵdaıda da rastalady.
Patologoanatomııalyq aýtopsııa júrgizilmegen jaǵdaılarda patsıenttiń ólimine ákep soqqan dıagnoz medıtsınalyq qujattama negizinde aqparattyq júıelerge engiziledi. Bul rette emdeýshi dáriger patsıenttiń shaǵymdaryn, anamnezdi, klınıkalyq sımptomdardy, júrgizilgen zerthanalyq jáne aspaptyq zertteýlerdi eskere otyryp dıagnoz qoıady.
