Almatyda koronavırýs juqtyrǵan 12 jasar qyzdyń jaǵdaıy qalaı
ALMATY. QazAqparat – Almaty dárigerleri koronavırýs juqtyrǵan 12 jasar qyzdyń jaǵdaıy týraly aıtty, dep habarlaıdy QazAqparat tilshisi.
Qalalyq qoǵamdyq densaýlyqty saqtaý basqarmasynyń habarlaýynsha, qazir qalada 7 adamda koronavırýs juqpasy bar ekeni zerthanalyq jolmen rastalǵan.
«6 patsıent eresekterge arnalǵan juqpaly aýrýlar aýrýhanasynda oqshaýlanǵan. Almatyǵa Germanııadan kelgen 2008 jyly týǵan qyz borttan túsirilip, balalar juqpaly aýrýhanasynda bólek boksqa jatqyzyldy. Qazir onyń jaǵdaıy birqalypty. Bortta ekıpajdy qosqanda 12 adam bolǵan. Olardyń barlyǵy oqshaýlanyp arnaıy taldaý alyndy. 7 patsıenttiń barlyǵy DDS uıymynyń protokoly boıynsha em qabyldap jatyr. Naýqastarmen baılanysta bolǵan azamattardyń barlyǵy provızorlyq statsıonarlarǵa 14 kúndik karantınge jatqyzyldy», - dedi basqarmadan.
Jalpy búgingi kúni Almaty qalasynda 676 adam karantınde jatyr.
Almaty qalasynyń ákimdigi barlyq azamattardy, ásirese, úı karantınindegilerdi osy jaǵdaıda óziniń jáne basqalardyń densaýlyǵy úshin barynsha jaýapkershilikpen qarap, sanıtarlyq-gıgıenalyq erejelerdi ustanýǵa, aýrý belgileri baıqalǵan jaǵdaıda ózin-ózi oqshaýlaýǵa shaqyrady. Úı karantıninde jatqandar oqshaýlaný merzimine shydaýy kerek.
Koronavırýs ınfektsııasy taralmas úshin tómendegi erejelerdi ustaný qajet:
- Qoldy jıi jýý jáne antıseptık quraldardy paıdalaný. Qoldy sabyndy paıdalanyp árbir jarty saǵat saıyn 20 sekýnd boıy jýý qajet. Eger jaqyn jerde qol jýatyn shuńǵylsha, sabyn bolmasa, mıkrobtardy óltirýge ádettegi antıseptık kómektesedi. Dárihanadan satyp alynǵan kádimgi spırt te bolady. Eger oǵan allergııa bolsa, sanıtaızerdi paıdalanyńyz.
- Bólmeni jıi jeldetińiz.
- Qoǵamdyq oryndarǵa shyǵýdy shekteý qajet.
- JRVI men tumaýǵa, denedegi álsizdik, qurǵaq jótelge kúdikti kezde emhanadan dáriger shaqyrtý nemese járdem shaqyrtý jáne maska taǵý qajet.
- Qol alysýdy jáne basqa da jaqyn qarym-qatynasty boldyrmaý.
- Immýnıtetti nyǵaıtý.
Anyqtama úshin táýlik boıy 1406 nómiri boıynsha Call-ortalyq jumys isteıdi.
Resmı aqparat Almaty qalasy ákimdiginiń saıtynda jáne áleýmettik jelileriniń resmı paraqshalarynda qoljetimdi. Qosymsha aqparat Stopcov ALMATY Telegram paraqsh asynda jarııalanyp otyrady.
