Almatyda koronavırýs juqtyrǵan 112 bala emdelip jatyr
ALMATY. QazAqparat - Almatyda koronavırýs juqtyrǵan 3712 naýqas em qabyldap jatyr. Bul týraly qalalyq qoǵamdyq densaýlyq basqarmasy málim etti, dep habarlaıdy QazAqparat tilshisi.
Búgin tańerteńgi aqparat boıynsha 657 adamnyń koronavırýs juqtyrǵany anyqtaldy. Munyń ishinde 547-i sımptomdy, jeńil jáne ortasha deńgeıdegi belgilermen, 110-y sımptomsyz aýyrǵan.
«Qazir 7 myń tósek-orynnyń 6 060 tósek-orny iske qosylǵan. Búgingi kúni 3712 naýqas em qabyldap jatyr. Onyń 112-i bala. Jaǵdaıy asa aýyr naýqastar sany - 235, jaǵdaıy aýyr – 767 adam bar. 2945 naýqastyń jaǵdaıy ortasha aýyr. ÓJJ apparatynda – 32, ınvazıvti emes ÓJJ apparatynda – 84, High flow qoldanysta – 84 apparat bar», -dep habarlady basqarmadan.
Medıtsınalyq-sanıtarııalyq alǵashqy kómek mobıldi brıgadalarynyń jáne telemedıtsına ortalyǵynyń ambýlatorııalyq baqylaýynda 6 130 patsıent bar, sımptomdarmen, aýyrlyqtyń ortasha dárejesimen – 5 266, sımptomsyz – 864 adam.
