Almatyda koronavırýs juqtyrǵan 108 bala aýrýhanada jatyr
ALMATY. QazAqparat - Almatyda koronavırýs juqtyrǵan 3 399 naýqas em qabyldap jatyr. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.
10 mamyrdaǵy aqparat boıynsha, bir táýlikte qalada 430 adam koronavırýs juqtyrǵan. Munyń ishinde sımptomdy, jeńil jáne ortasha deńgeıdegi belgilermen - 401, sımptomsyz – 29 naýqas tirkeldi.
«Infektsııalyq statsıonarlarda 3 516 adam bar (tósek-orynnyń jalpy sany - 6 060), onyń ishinde 108 bala emdelip jatyr», – dep naqtylady Qoǵamdyq densaýlyq saqtaý basqarmasynyń baspasóz qyzmetinen.
Sondaı-aq, reanımatsııa jáne qarqyndy terapııa bóliminde 231 adam jatyr. Al 33 naýqas jasandy tynys berý apparatyna qosylǵan. Invazıvti emes jasandy tynys alý apparatynda 67 adam em qabyldaýdy jalǵastyrýda. 91 ókpeni jasandy jeldetý apparaty jumys isteıdi.
Medıtsınalyq-sanıtarııalyq alǵashqy kómek mobıldi brıgadalardyń jáne Telemedıtsına ortalyǵynyń ambýlatorııalyq baqylaýynda 4 274 patsıent bar. Onyń ishinde 3722 adamda indet belgisi bolǵan, olar ortasha aýyr jaǵdaıda. 552 adamda koronavırýs belgisi joq.
