Almatyda koronavırýs juqtyrǵan 10 adamnyń jaǵdaıy óte aýyr

ALMATY. QazAqparat – Almatyda koronavırýs juqtyrǵan 118 naýqas jansaqtaý bóliminde jatyr. 10 adamnyń jaǵdaıy óte aýyr. Bul týraly onlaın brıfıng barysynda Almaty qalasy qoǵamdyq densaýlyq basqarmasynyń ókili, telemedıtsına ortalyǵynyń dırektory Laýra Myrzaǵalı málim etti, dep habarlaıdy QazAqparat tilshisi.

Onyń málimetinshe, qazir megapolıstiń emdeý mekemelerinde 2246 naýqas KVI boıynsha em alyp jatyr.

«Aýrýhanaǵa bir táýlikte 238 adam tústi. Biz kúndelikti monıtorıng jasap otyramyz. Keshegi kúni 98 naýqas emdelip, úıine oraldy. Qaıtys bolǵandardyń sany - 11. Onyń ishinde 70 jastan asyp ketken adamdar bar»,- deıdi Laýra Myrzaǵalı.

Sonymen qatar, ol jansaqtaý bóliminde qansha naýqas jatqanyn jetkizdi.

«Almatyda koronavırýs juqtyrǵan 118 naýqas jansaqtaý bóliminde jatyr. 10 adamnyń jaǵdaıy aýyr», - dedi spıker.