Almatyda koronavırýs vaktsınasyn alǵandar sany 700 myńǵa jýyqtady
Bul jaıynda óńirlik kommýnıkatsııalar qyzmetinde ótken brıfıngte Almaty qoǵamdyq densaýlyq saqtaý basqarmasynyń basshysy Narıman Tabynbaev aıtty.
Onyń málimetine sensek, ótken táýlikte 5 001 adam vaktsına saldyrǵan. 60 jastan joǵary vaktsına alǵan adamnyń sany - 96 553.
«Bizde Sinovac-qa úlken suranys bar. Qazaqstan Respýblıkasy Densaýlyq saqtaý mınıstrligi kelissóz júrgizdi. Jaqyn arada Sinovac vaktsınasyn jetkizý týraly aqparat aldyq», – dep qorytyndylady sózin Almaty qalasy qoǵamdyq densaýlyq basqarmasynyń basshysy.
QDSB basshysy Almatynyń barlyq turǵyndaryn tez arada KVI-ge qarsy vaktsınalaýǵa shaqyrdy.
Óıtkeni bul - qaýipti aýrýdyń tez taralýyna tótep berýdiń jalǵyz joly.
Eske salsaq, Almatyda ekpe pýnktileriniń keń jelisi ashylǵan jáne kún saıyn 15-20 myńǵa deıin ekpe júrgizýge múmkindik bar.
1 aqpan men 27 shilde aralyǵynda Almatyda ekpeniń I komponentin 690 711 adam alǵan.