Almatyda koronavırýs vaktsınatsııasy qalaı júrgiziledi
ALMATY. QazAqparat – Almaty sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın onlaın brıfıng barysynda Almatyda KVI vaktsınatsııa qalaı ótetinin aıtty, dep habarlaıdy QazAqparat tilshisi.
«Vaktsınalaý tumaý aýrýynan vaktsınatsııa sııaqty júrgiziledi. Ol úshin barlyq emhanalyq mekemeler ázirlendi. Vaktsınator medbıkeler oqytyldy. Alaıda taǵy bir ret qaýipsiz ımmýnızatsııa boıynsha testileýden ótedi. Bul jumysqa terapevter de tartylatyn bolady. Qazir tizim jasap jatyrmyz. Birinshi kezekte dárigerler, ustazdar, polıtsııa qyzmetkerleri vaktsınatsııadan ótedi. Onyń ishinde keı adamdarǵa salynbaýy múmkin. Mysaly allergııasy bar, densaýlyǵy nashar, júkti áıelderge ekpe salynbaıdy», - dedi Bekshın.
Onyń aıtýynsha, qazir Almatyda tońazytqyshtar daıyn.
«Qalada vaktsına saqtalatyn tońazytqyshtar jetkilikti. Bul jumysty Almatydaǵy memlekettik emhanalar túgel, keıbir jekemenshik emhanalar atqaratyn bolady», - dedi Bekshın.
