Almatyda koronavırýs shyqqan jataqhanadaǵy stýdentter úıine qaıtaryla ma

ALMATY. QazAqparat - Almaty qalasy sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova onlaın brıfıng barysynda stýdentter jataqhanadan shyǵarylmaıtynyn aıtty, dep habarlaıdy QazAqparat tilshisi.

«Almaty bas sanıtarııa dárigeriniń qaýlysy kúshine endi. Ol boıynsha 1-kýrs stýdentteri oflaın oqı alady, bul jataqhanada turýǵa da qatysty. Sabaq oqýǵa múmkindigi jáne turatyn jeri joq stýdentter barlyq sanıtarlyq normany saqtaı otyryp jataqhanada qala beredi», - dedi ol.

Sonymen qatar, ol qazir qalada vırýstyń mýtatsııaǵa ushyraǵan brıtanııalyq jáne ońtústikafrıkalyq shtammdarynyń belgileri anyqtalǵanyn atap ótti.

Onyń qaýiptiligi sol, ol burynǵydan eki ese tez taraıdy. Sondyqtan qaýipsizdik sharalaryn qatań saqtaý qajet.

Buǵan deıin jataqhanada turatyn úsh stýdentten koronavırýs anyqtalǵanyn jazǵan bolatynbyz.