Almatyda koronavırýs ınfektsııasy tabylmaǵan 203 adam aýrýhanadan shyqty

ALMATY. QazAqparat – Almatyda koronavırýs tabylmaǵan 203 adam provızorlyq emhanadan shyǵaryldy. Bul týraly qalalyq qoǵamdyq densaýlyq saqtaý basqarmasynyń basshysy Tileýhan Ábildaev onlaın brıfıng barysynda aıtty, dep habarlaıdy QazAqparat tilshisi.

«Tek keshe ǵana provızorlyq ortalyqtardan 203 adam úıine shyǵaryldy, onyń ishinde 44 bala bar. Olardyń barlyǵy 14 kúndik karantınde bolǵan. Olardyń test nátıjesi koronavırýs joqtyǵyn kórsetken soń aýrýhanadan shyǵaryldy. Karantındik oqshaýlaýda qazir 385 adam, onyń ishinde 39 bala bar. Úı karantıninde 5144 adam jatyr», - dedi Tileýhan Ábildaev.

Osy ýaqytqa deıin Almatyda 21 adam jazylyp shyqqan.