Almatyda koronavırýs boıynsha epıdemıologııalyq jaǵdaı turaqty - Bekshın
ALMATY. QazAqparat - Almaty qalasynyń bas memlekettik sanıtarlyq dárigeri Jandarbek Bekshın megopolıstegi koronavırýspen syrqattanýshylyq jaǵdaıyna baǵa berdi, dep habarlaıdy QazAqparat tilshisi.
Onyń aıtýynsha, Almatyda epıdeıologııalyq jaǵdaı turaqty.
«Táýliktik ósim kórsetkishi 0,006% quraıdy, taralý ındeksi 1-den tómen. Bıylǵy qyrkúıek aıynda barlyǵy 165 KVI jaǵdaıy tirkeldi (106 sımptomatıkalyq jáne 59 sımptomsyz), sondaı-aq 194 etıologııasy belgisiz pnevmonııa. Epıdemıologııalyq zertteýler barysynda KVI oshaqtarynda 305 baılanys anyqtaldy, onyń 3 jaǵdaıy PTR ádisimen anyqtaldy»,– dedi Jandarbek Bekshın.
Ótken táýlikte koronavkırýs ınfektsııasynyń 1 jaǵdaıy tirkeldi, sonyń ishinde sımptomdyq -0, sımptomsyz- 1, etıologııasy belgisiz pnevmonııa-1.
«Ozyq zerthanalyq zertteý ádisterin qoldana otyryp, buryn pnevmonııanyń 48,4%-ǵa jýyǵy ıaǵnı 247 patsıenttiń qorytyndy saraptamalary tereńirek zertteldi. Zertteý barysynda 35 (14%) COVID-19 dıagnozy anyqtalsa, 87-si (35%) - bakterııalyq pnevmonııa»,– dedi ol.
